“24.kg” ning Qirg‘iziston musulmonlari diniy boshqarmasiga tayanib bergan xabariga ko‘ra, joriy yilda Qirg‘izistonda Ramazon oyi 18-fevral kuni boshlanadi.

Ma’lum qilinishicha, Laylatul Qadr (Qadr kechasi) 16-martdan 17-martga o‘tar kechasi bo‘lishi kutilmoqda. An’anaga ko‘ra, u Ramazon oyining 27-kechasiga to‘g‘ri keladi. 

Shundan kelib chiqib, dastlabki hisob-kitoblarga ko‘ra, Ramazon hayiti 20-mart kuni nishonlanadi.

Boshqarmaga ko‘ra, sanalar yangi oy ko‘rinishiga qarab o‘zgarishi mumkin. Ushbu kun xalqaro astronomik markazlar ma’lumotlariga asoslanib belgilangan bo‘lsa-da, yangi oy chiqishi sababli ba’zan sanalar bir kun oldinga yoki orqaga siljishi ehtimoli mavjud. 

• Hayit
• Qirg‘iziston
• Ramazon