“Squid Game” yaratuvchisi Xvang Dong Xyuk shouning ikkinchi fasliga oid ba’zi tafsilotlarni oshkor qildi. Unga ko‘ra syujet rivojlanishi muxlislarning reaksiyalariga javoban emas, balki birinchi mavsum tugagan joydan davom etishini ta’kidladi.

“Men ko'plab odamlarning filmga bo‘lgan munosabatini ko‘rganman, lekin men bu munosabatlarga javoban ikkinchi faslni suratga olishni xohlamayman. Birinchi mavsumda men aytgan falsafa tabiiy ravishda ikkinchi mavsumga o‘tadi. Men hozircha hech qanday tafsilotlarni baham ko'ra olmayman, lekin bilasizki, Ki Xun birinchi mavsum oxirida butunlay yangi odamga aylandi. Shuning uchun ikkinchi mavsum bu yangi Ki Xunning nima qilishi haqida bo‘ladi.

“Kalmar o‘yini” kartinasining birinchi mavsumidagi o‘ziga xoslik shundaki, bir guruh qahramonlar pul mukofotini qo‘lga kiritish uchun omon qolish o‘yiniga kirishadi. Ikkinchi faslda shu g‘oyaga sodiq qolinadimi yoki undan chetga chiqiladimi, hozircha aniqlanmagan. Biroq Ki Xun hikoyaning asosiy qahramoni bo‘lib qolishi aniq.

• Dunyo
• Kino
• qiziqarli