“Kalmar oʻyini” seriali rejissyori Xvan Don Xyok uning nafaqat ikkinchi, balki uchinchi qismi ham suratga olinishi mumkinligini maʼlum qildi.

Rejissyor ayni vaqtda serialning ikkinchi va uchinchi mavsumlarini suratga olish mavzusida “Netflix” rahbariyati bilan muzokaralar olib borilayotganini aytib oʻtgan. Ijodkorlar serialning kelgusida suratga olinadigan mavsumlari haqida bir toʻxtamga kelib olishlari kerak.

“Biz yaqin kunlarda aniq biror qarorga kelamiz”, dedi Don Xyok.

Eslatib oʻtamiz, olamshumul mashhurlikka erishgan serialning ikkinchi mavsumi ham suratga olinishi haqida noyabr oyida maʼlum qilingandi, ammo bugungi kunga qadar uchinchi mavsum haqida taxminlar ham boʻlmagan.

• Kino
• qiziqarli