Portugaliyalik yulduz Krishtianu Ronalduda viruslik infeksiya aniqlangan. Bu haqda “Al-Nasr” klubi matbuot xizmati xabar berdi.

Unga ko‘ra, 39 yoshli hujumchining sog‘lig‘i yomonlashgan. Tibbiy ko‘rik natijasida portugaliyalik futbolchida virusli infeksiya aniqlangan. “Al-Nasr” shifokori futbolchiga davolanish kursini yozib bergan.

Shu tariqa, Krishtianu Osiyo Chempionlar Ligasi doirasida “Al-Shorta”ga qarshi o‘yinni o‘tkazib yuboradi.

Ma’lumot uchun, “Al-Nasr” hujumchisi joriy mavsum klub safida 3 ta bahsda maydonga tushib, 2 ta gol urdi va 1 ta golli uzatmani amalga oshirdi.

• Ronaldu