Futbol bo‘yicha Argentina milliy terma jamoasi sardori Lionel Messi Qatar-2022 finalida Fransiya ustidan qozonilgan tarixiy g‘alabada ishtirok etgan Argentina terma jamoasi va yordamchi xodimlarining har bir a’zosi uchun 35 ta oltin iPhone buyurtma qildi. Bu haqda “The Sun” nashri xabar berdi.

Ma’lum qilinishicha, qiymati 175 000 funt sterlingga baholangan 24 karatli tilla bilan qoplangan smartfonlarda futbolchilarning ismlari, raqamlari va Argentina terma jamoasi logotipi o‘yib yozilgan.

Manbaning ta'kidlashicha, Messi ushbu lahzani nishonlash uchun o'zgacha va rang-barang ish qilmoqchi bo'lgan. U tadbirkor Ben Lyons bilan bog'langan va ular birgalikda dizaynni ishlab chiqishgan.

“U ajoyib g‘alabani nishonlash uchun barcha o‘yinchilar va xodimlarga alohida sovg‘a berishni istashini, biroq odatdagidek soat sovg‘a qilishni istamasligini aytdi. Men futbolchilarning nomlari ko'rsatilgan tilla iPhone'larni taklif qildim va unga bu g'oya yoqdi”, – deydi Ben Lyons.

Argentina JCh-2022 finalida Fransiyani mag‘lub etdi. Messi uchun bu uning faoliyatidagi beshinchi jahon chempionati bo'ldi. Ammo bu safar u ilk bor chempion bo‘lishga erishdi.

• Argentina
• Messi
• iPhone