O‘zbekistonda amaldagi Sanitariya-epidemiologik normalarga o‘zgartirish va qo‘shimchalar kiritildi.

Qayd etilishicha, umumta’lim maktablarida ta’lim sharoitlari va tashkil etilishiga qo‘yiladigan sanitariya-epidemiologik talablariga ilovaga muvofiq kiritilgan o‘zgartirishlar va qo‘shimchada haftalik o‘quv yuklamasining maksimal darajasiga bo‘lgan gigiyenik talablar quyidagicha belgilangan:

1-sinflar uchun – darslar kuniga 4 soatdan va haftada 2 kun 5 soatdan ko‘p bo‘lmasligi kerak (5 soatlik o‘quv kunida jismoniy tarbiya yoki yengil fanlar – texnologiya, tasviriy san’at, musiqa madaniyati, tarbiya fanlari o‘qitiladi). 1-sinflar uchun dars soatlari 1 haftasiga 22 soatdan oshmasligi kerak;

2 – 4-sinflar uchun – darslar kuniga 4 soatdan va haftada 4 kun 5 soatdan ko‘p bo‘lmasligi kerak (5 soatlik o‘quv kunida jismoniy tarbiya yoki yengil fanlar – texnologiya, tasviriy san’at, musiqa madaniyati, tarbiya fanlari o‘qitiladi);

5 – 9-sinflar uchun – darslar kuniga 6 soatdan ko‘p bo‘lmasligi kerak;

10 – 11-sinflar uchun – darslar kuniga 6 soatdan ko‘p bo‘lmasligi kerak;

Shuningdek, bir yil davomida o‘quv haftaligi 1-sinflar uchun – 33 hafta, 2 – 11-sinflar uchun 34 haftadan oshmasligi lozim.

• Darslik
• Maktab
• O‘quvchi
• Sanitariya