O‘zbekiston Respublikasi Ichki ishlar vaziri Po‘lat Bobojonov Maldiv Respublikasi Ichki ishlar vaziri Shayx Imron Abdulla boshchiligidagi delegatsiyani qabul qildi.

Qayd etilishicha, mazkur tashrif doirasida ikki davlat Ichki ishlar vazirligi o‘rtasida o‘zaro hamkorlik o‘rnatish va tajriba almashish asosiy maqsad etib belgilangan.

Uchrashuvda Maldiv tomoni ichki ishlar organlari tizimida amalga oshirilayotgan islohotlarni alohida taʼkidlab, jinoyatchilikka qarshi kurash va jamoat xavfsizligini taʼminlash sohasida O‘zbekiston tajribasini o‘rganish istagini bildirgan.

Mehmonlar bugungi kunda mamlakatimizda jinoyat sodir etgan shaxslar bilan ishlash tizimi, xususan ularni ijtimoiy hayotga moslashtirish, ularga psixologik ko‘maklashish va ish bilan taʼminlash masalasida amalga oshirilayotgan idoralararo hamkorlik jarayonini alohida eʼtirof etdilar.

“Tomonlar o‘rtasidagi uchrashuv samimiy va do‘stona ruhda o‘tdi” – дейилади хабарда.

Maldiv Respublikasi Ichki ishlar vazirligi delegatsiyasining O‘zbekistonga rasmiy tashrifi davom etmoqda.

• IIV
• Maldiv
• O‘zbekiston