Mamlakat Sog‘liqni saqlash vazirligining ma’lum qilishicha, 1-noyabrdan boshlab Maldiv orollarida butun bir avlod uchun tamaki taqiqi kuchga kirdi. Yangi qoidaga ko‘ra, 2007-yil 1-yanvar yoki undan keyin tug‘ilganlarga Maldiv orollarida har qanday tamaki mahsulotlarini sotib olish, iste’mol qilish yoki sotish taqiqlanadi. Shu yo‘l bilan chekishdan xoli avlodni shakllantirish ko‘zlanmoqda.

Maldiv Sog‘liqni saqlash vazirligiga ko‘ra, ushbu taqiq mamlakatga tashrif buyuruvchi xorijliklarga ham taalluqli.

Voyaga yetmaganlarga tamaki sotish 50 ming rufiy (taxminan 2800 yevro), elektron sigaretalardan foydalanish esa 5 ming rufiy (280 yevro) miqdorida jarima bilan jazolanadi.

Bunga o‘xshash taqiqni birinchi bo‘lib Yangi Zelandiya joriy etgan edi, ammo bir yildan kamroq vaqt o‘tgach, mamlakatning yangi hukumati soliqlarni kamaytirish imkoniyati uchun byudjetga pul olish maqsadida cheklovlarni bekor qilgandi. Tamakini cheklash bo‘yicha me’yorlar hozirda Buyuk Britaniyada ham ishlab chiqilmoqda.

• Maldiv
• Tamaki
• taqiq