Pep Gvardiola “Manchester Siti”ning “Tottenhem”dan uchragan yirik 4:0 hisobidagi mag‘lubiyatidan so‘ng o‘z fikrlarini bildirib o‘tdi.

Ispaniyalik murabbiy qo‘l ostida “shaharliklar” ilk bor ketma-ket 5 o‘yinda mag‘lub bo‘lishdi.

“Sakkiz yil ichida hech qachon bu kabi holatga tushmaganmiz. Bu vaziyatdan chiqib ketishimiz va kelasi o‘yinlarda g‘alaba qozonishimiz shart. Ayniqsa, keyingi bahsda. Biz qayta olamiz. Buni uddalay olamiz”, – deya Gvardiolaning so‘zlarini keltirmoqda BBC.

Ma’lumot uchun, “Man Siti” APL doirasidagi keyingi o‘yinni 13-turda safarda “Enfild”da o‘tkazadi va peshqadam “Liverpul” mehmoni bo‘ladi. Deyarli yakuniga yetgan 12-turdan so‘ng jamoa 23 ochko bilan ikkinchi pog‘onada bormoqda. Birinchi o‘rindagi (hali 12-tur o‘yinini o‘tkazmagan) “Liverpul” esa undan 5 ochko oldinda.

• Manchester Siti