“Chelsi” va Enso Fernandes shartnoma borasida kelishib oldi.

Insayder Nikolo Shkiraning xabariga koʻra, London klubi “Benfika”ning 21 yoshli yarim himoyachisi bilan 2028-yilga qadar yiliga 10 million yevro maoshli shartnoma borasida prinsipial kelishuvga erishgan.

“Chelsi” endi “Benfika” bilan shartnomani yopish ustida ishlamoqda. Portugaliya klubi 120 million yevro tovon puli soʻramoqda.

Maʼlumot uchun, joriy mavsumda argentinalik futbolchi “Benfika” safida barcha turnirlar doirasida 24 ta oʻyinda maydonga tushib, 3 ta gol urdi va 4 ta golli uzatmani amalga oshirdi.

Shuningdek, Enso Argentina terma jamoasi bilan birga Jahon chempionligini qoʻlga kiritdi.

• Chelsi
• Futbol
• Transferlar