2022-yil yakunida Krishtianu Ronaldu Saudiyaning “Al-Nasr” klubiga o‘tdi. Portugaliyalik futbolchi bugun Jidda shahriga tashrif buyurdi. Mazkur bitim futbol tarixidagi eng qimmat kelishuvga aylandi. Portugal ushbu transfer ortidan mavsumiga 200 million yevro ishlab topadi.

CBC Sports nashri xabariga ko‘ra, Ronalduda boshqa futbolchilarning standart imkoniyatlaridan tashqari alohida vakolatlar ham mavjud. Ya’ni, 37 yoshli futbolchi murabbiylar tanlashi yoki o‘zgartirishi mumkin bo‘ladi.

“Al-Nasr” Ronalduga aylanadi, deyiladi manbada.

Ayni paytda Saudiya klubi murabbiyi Rudi Garsiya hisoblanadi. U avval, “Roma”, “Marsel”, “Lion” kabi jamoalarda faoliyat yuritgan.

Krishtianuning taqdimot marosimi 3-yanvar kuni bo‘lib o‘tadi.

• Al-Nasr
• Osiyo
• Ronaldu