“Manchester Siti” qishki transferlar oynasi paytida tarkibda kelib qo‘shilgan futbolchilardan 3 nafarini Yevropa Chempionlar ligasida ro‘yxatdan o‘tkazdi. 

UEFA Chempionlar ligasida yangilangan ro‘yxatni taqdim etish uchun so‘nggi muddat kecha tunda o‘z yakuniga yetdi. Klublarga guruh bosqichi yakunlangach, 3 nafar yangi futbolchini Chempionlar ligasida ro‘yxatdan o‘tkazishga ruxsat berilgandi. “Shaharliklar” qishda kelib qo‘shilgan futbolchilardan Omar Marmush, Abduqodir Husanov hamda Niko Gonsalesni ligada ro‘yxatdan o‘tkazdi. 

Endilikda o‘zbekistonlik futbolchi 11-fevral kuni “Etihad” stadionida hamda 19-fevral kuni safarda Ispaniyaning “Real Madrid” jamoasiga qarshi uchrashuvlarda ishtirok etish imkoniyatiga ega hisoblanadi.

• Abduqodir Husanov
• Futbol
• Manchester Siti
• O‘zbekiston