Argentina prokuraturasi jahon chempioni Diego Maradonaning o‘limiga aloqador deb hisoblagan sakkiz nafar shifokorni sud qiladi. Sud jarayoni oktyabr oyida bo‘lib o‘tadi.

Avvalroq, Argentina prokuraturasi Maradonaning sog‘lig‘i uchun mas’ul bo‘lgan sakkizta tibbiyot xodimi beparvo bo‘lib, o‘z holiga tashlab ketishganini aytgan edi. Ayblanuvchilar, shu jumladan beshta shifokor va uchta hamshira, 8 yildan 25 yilgacha qamoq jazosiga hukm qilinishi mumkin.

4-mayda boshlanishi kerak bo‘lgan sud jarayoni tinglovlar boshlanishidan oldin hal qilinishi kerak bo‘lgan bir qator masalalar tufayli 1-oktyabrga qoldirilgan. Xuddi shu qarorda sud Maradonaning merosxo‘rlariga uning jasadini xususiy qabristondan Buenos-Ayres markazida joylashgan futbolchi sharafiga maxsus qurilgan yodgorlikka ko‘chirish iltimosini rad etgan.

2021-yil aprel oyida Maradonaning o‘limini tekshirish uchun tashkil etilgan tibbiy ekspertlar komissiyasi sud organlariga yuborish uchun hisobot tayyorladi. Hisobotda sportchi uchun mas’ul bo‘lgan tibbiy guruhning harakatlari yetarli emas va beparvo deb topilgan. Komissiya ma’lumotlariga ko‘ra, Maradonaga o‘limga olib kelishi mumkin bo‘lgan to‘g‘ri parvarish va davolanish ta’minlanmagan.

Maradona 2020-yil 25-noyabrda 60 yoshida vafot etgan edi.

• Argentina
• Futbol
• Prokuratura