Olimlar meʼyorida isteʼmol qilingan shirinlik umrni uzaytirishi mumkinligini aniqlashdi. Ular shirinlik isteʼmolining bir haftalik meʼyori 300 gramm ekanligini aytib oʻtishgan.

Mutaxassislar 100 gramm konfet quvvati ikkita pishloqli buterbrod, meva hamda 100 ml sut isteʼmolidan olinadigan quvvatga teng ekanligini maʼlum qilganlar. Bu yerdagi asosiy farq shundaki, konfetlar tarkibida mineral hamda vitaminlar mavjud emas. Shirinlikdan olinadigan quvvat umumiy quvvat miqdorining 10 foizidan oshmasligi kerak.

Tadqiqotlar mobaynida shirinxoʻr odamlar shakardan voz kechgan odamlarga nisbatan koʻproq yashashlari aniqlangan. Olimlarning aytishlaricha, shakardan voz kechgan insonlar koʻp hollarda boshqa zararli odatlarni oʻzlashtirib olar ekanlar.

• salomatlik
• tadqiqot