2025-yil holatiga ko‘ra, Rossiyadagi xalqaro avtoyuk tashishlarning 25 foizga yaqini o‘zbekistonlik haydovchilar tomonidan amalga oshirilmoqda. Biroq migratsiya qoidalariga amal qilmaslik oqibatida ko‘plab fuqarolar Rossiya ichki ishlar organlarining “kirishi man etilgan shaxslar” ro‘yxatiga tushib qolmoqda.

Har bir yuk avtomobili haydovchi quyidagilarga qat’iy rioya qilishi shart qoidalar:

– chegaradan o‘tish vaqtida migratsion kartani aniq va to‘g‘ri to‘ldirish (maqsad grafasida — “turizm” emas, “slujebnaya” yoki “transit”ni ko‘rsatish);

– Rossiyaga kirgandan so‘ng 15 ish kuni mobaynida migratsiya ro‘yxatiga qo‘yilishi lozim, bu odatda qabul qiluvchi tashkilot yoki ish beruvchi zimmasida bo‘ladi;

– 90/365 muddatini doimiy ravishda nazorat qilish (ya’ni 365 kunlik davrda 90 kundan ortiq qolib ketmaslik);

– transport vositasi buzilishi yoki boshqa fors-major holat yuz bersa — albatta rasmiy akt yoki dalolatnoma olish.

Har bir harakat — faqat rasmiy hujjat bilan asoslangan bo‘lishi kerak.

Takroriy huquqbuzarliklar 3–10-yil muddatga Rossiyaga kirish taqiqini keltirib chiqaradi.

Agar xato sodir bo‘lgan bo‘lsa:

– darhol Rossiya Federatsiyasi Ichki ishlar organlari (GUVM MVD RF)ga yozma ariza bilan murojaat qilish;

– hujjatlar orqali safarning haqiqiy maqsadini isbotlash;

– agar “kirishi taqiqlanganlar” ro‘yxatiga tushgan bo‘lsangiz — apellyatsiya berish orqali ro‘yxatdan chiqarishni talab qilish mumkin.

Muammoli holatlar yuzga kelganda fuqarolardan Migratsiya agentligining Rossiya Federatsiyasidagi Vakolatxonasiga +7 925 045 4744 telefon raqami orqali murojaat qilishlari so‘ralgan.

• Haydovchi
• Migratsiya
• Ogohlantirish
• O‘zbekistonlik
• Rossiya
• yuk mashinasi