Dushanbadan seshanbaga o‘tar kechasi Qoraqalpog‘istonning shimoliy tumanlaridagi aholi shimol qutb yog‘dulariga guvohi bo‘lishgan.

Yuqoridagi tasvir shundoqqina Qoraqalpog‘istonga chegaradosh qo‘shni Mang‘ishloq (Mangistau) viloyatida ko‘ringan shimol qutb yog‘dusi tasvirlari.

Qoraqalpog‘istonning Qorao‘zak shaharchasidan bo‘lgan kanal kuzatuvchisi ham Mo‘ynoq tumani bilan chegaradosh hududlarda shunga o‘xshash osmon ranglari ko‘rganini tasdiqladi.

Dushanbadan seshanbaga o‘tar kechasi quyosh plazmasining magnitosferaga zarb bilan urilishi sayyoraning juda ham past kengliklarida qutb yog‘dulari ko‘rinishiga, 9 ballik ekstremal “qizil” xavf darajasida magnit bo‘ronini qo‘zg‘atgandi.

Shuningdek, shimol qutb yog‘dulari Sochidan Italiyagacha ko‘ringan. Orol dengizi atrofida yashaydigan shimolliklar ham bu hodisaga guvohi bo‘lishgan.

• Qoraqalpog‘iston
• Shimol yog'dusi