Mirslik arxeologlar Sakkkara shahridagi qadimgi qabristondan 3300 yillik qabrlarni topishga muvaffaq bo‘lishdi. Aniqlanishicha, ular orasidagi eng katta qabr Amon ibodatxonasi qo‘riqchsi – Panexsi ismli shaxsga tegishli bo‘lgan.

Qabr gullar tasviri bilan bezalgan, uning yuza qismidagi bo‘yoq izlari bugungi kunga qadar saqlanib qolgan. Qizig‘i shundaki, qabr ichidan topilgan jasad qoldiqlari Panexsiga tegishli bo‘lib chiqmagan. Olimlar jasad qoldiqlarini 2024-yilga qadar sinchkovlik bilan o‘rganishni rejalashtirganlar.

Qabrlarning boshqa biri esa Yuyyu ismli shaxsga tegishli bo‘lib, Yuyyu fir’avn xazinaxonasida rassom bo‘lib ishlagan. Uning qabri ko‘plab nashqlar bilan bezatilgan. Tasvirlar orasida marhumning ota-onasi, rafiqasi, farzandlari va nabiralari ham aks ettirilgan.

Ekspertlar nashqlarning yuksak mahorat bilan ishlanganini alohida qayd etganlar.

• Arxeolog
• Arxeologiya
• Misr
• Tarix
• ilm-fan
• qiziqarli