Kecha, 12-sentyabr kuni Moskva shahridan ikki nafar erkakning boshsiz jasadi topildi. Ularni soʻyib tashlashda gumonlanayotgan shaxs oʻzbekistonlik muhojir ekani aytilmoqda.

Maʼlum boʻlishicha, 22 yoshli oʻzbekistonlik fuqaro 56 yoshli shifokor D.A.ning uyiga intim xizmat koʻrsatish uchun borgan va narx masalasida u bilan kelisha olmagan. Natijada erkak shifokorni pichoq bilan oʻldirib, uning boshini uzib olgan.

Shundan soʻng erkak shifokorning uyidan 600 metr uzoqlikda joylashgan “Doʻstlik” bogʻiga borgan va qirgʻizistonlik muhojir doʻsti bilan uchrashib, uni ham oʻldirgan. Gumondor har ikki jabrlanuvchini ham talon-taroj qilgan. Shuningdek, qotillik sodir etilgan kunning oʻzidayoq qoʻlga olingan.

Maʼlumotlarga koʻra, oʻzbekistonlik erkak ota-onasidan erta yetim qolgan va unga nisbatan zoʻravonlik qilib kelgan amakisi tomonidan tarbiyalangan.

Ayni vaqtda gumondor psixiatrik tekshiruvga yuborilgan.

• Jinoyat
• Rossiya
• muhojir