Ba’zi tahlilchilarning shubhalariga qaramay, egiluvchan ekranli smartfonlar haligacha bozorda o‘z ulushiga ega bo‘lmoqda. Janubiy Koreyaning “Samsung” korporasiyasi bu borada eng kuchli “o‘yinchi” bo‘lib chiqdi, u doimiy ravishda egiluvchan ekranli qurilmalarning yangi modellarini yetkazib berishda davom etmoqda. Biroq uning birinchi qurilmalariga berilgan sharhlar salbiy bo‘lgan edi.

Bunday turdagi smartfonlar yaxshi sotilmoqda, lekin noutbuklar haqida nima deyish mumkin? Bu yerda vaziyat biroz yomonroq, ammo shunga qaramay, sotuvchilar asta-sekin oldinga siljimoqda. Chunki bozorda moslashuvchan ekranli noutbuklar kam va ular yuqori sifatli quyma temir ko‘priklarning butun partiyasi kabi gavdalanadi. Keling, ishlab chiqaruvchilar nimani taklif qilishlarini ko‘rib chiqaylik.

“Zenbook 17 Fold OLED”

Asus kompaniyasi “Zenbook 17 Fold OLED” deb ataladigan egiluvchan ekranli yagona modelga (aniqrog‘i uning loyihasi) ega. Sotuvchining so‘zlariga ko‘ra, qurilmaga “Windows 11” o‘rnatilgan. Texnik xususiyatlari – Intel Core i7-1250U prosessor, 16 RAM, ortiqcha 1 TB disk. Ehtimol, bu SSD (ma’lumotlarni doimiy saqlovchi xotira), chunki HDD’lar asta-sekin bozorni tark etmoqda. Xo‘sh, qurilmaning mumkin bo‘lgan narxini hisobga olsak, ushbu qurilmadagi HDD va SSD o‘rtasidagi nisbiy farq ahamiyatsiz.

2022-yil yanvar oyida SES ko‘rgazmasida birinchi marta “Asus” kompaniyasining moslashuvchan ekranli noutbuk prototipi taqdim etildi. Hozircha qurilmani sotib olishning iloji yo‘q, hatto narxi ham noma’lum.

Nima bo‘lishidan qat’iy nazar, loyiha unutilmaydi, 31-avgust kuni “Asus” batafsilroq ma’lumot beradi. Ehtimol, kompaniya qurilma qachon sotuvga chiqishi haqida rasmiy izoh berishi mumkin.

Kompaniyaning ushbu flagmani diagonali 17,3 dyuymli, 1920x1280 pikselli egiluvchan displeyga ega bo‘ladi.

Displey o‘rtasida egilgan, o‘rnatilgan jismoniy klaviatura bo‘lmaydi. Sensorli klaviatura ikkinchi ekranda paydo bo‘ladi va uni juda qulay, deb aytish qiyin. Jismoniy klaviatura bo‘lmasa, bunday gadjetlarga ko‘nikish juda qiyin. Buni tushungan holda, “Asus” muhandislari aksessuar sifatida modulli jismoniy klaviaturani taklif qilishadi, u moslashuvchan displeyning ikkinchi yarmi tepasiga joylashtirilishi kerak.

Protsessorga kelsak, bu “Intel Core i7-1250U”, Xe grafikali 12 yadroli chipga ega. Qurilmaning operativ xotirasi 16 Gb bo‘ladi va yangilanish imkoniyati bo‘lmaydi.

Noutbukda 2 ta “Thunderbolt” porti, audiojak, 5 MP veb-kamera, stereodinamiklar, shuningdek, “Wi-Fi 6” va “Bluetooth 5” simsiz xotirasini qo‘llab-quvvatlash rejalashtirilgan. Qurilmaning o‘lchami 379x288x13 mm, og‘irligi 1,8 kg.

Mini kompyuter narxi 3-4 ming dollardan kam bo‘lishi mumkin emas.

“Samsung Galaxy Book Fold 17”

“Samsung” moslashuvchan ekranli haqiqiy qurilmalarni chiqarganligi sababli yangi turdagi noutbuk kompaniyaning doimiy mijozlari uchun yangilik emas. Joriy yilning boshida kompaniya bunday qurilmaga nisbatan o‘z qarashlarini aks ettiruvchi video-rolik e’lon qildi, biroq unda 17 dyuymli noutbuk bilan ishlashdan ko‘ra ko‘proq egiluvchan ekranli qurilmalar ekotizimini ko‘rsatilgan.

Laptopga kelsak, videoda sof noutbukdan ko‘ra ko‘proq noutbuk/planshet gibrid holatda ko‘rsatilgan. Bu ajoyib ko‘rinadi, lekin bunday qurilmadan foydalanish holatlari deyarli yo‘q.

Eng yomoni, “Samsung” qurilmaga o‘rnatilishi mumkin bo‘lgan prosessor, operativ xotira va xotira hajmi haqida aniq ma’lumot bermagan. Bunday qurilma bilan qanday operasion dastur ishlashi ham aniq emas, chunki hozirda Janubiy Koreya kompaniyasi Androidni moslashuvchan ekranli qurilmalarga o‘rnatish tajribasiga ega.

Ushbu qurilma bozorga umuman kirmasligi mumkin, faqat loyiha sifatida qolishi ham mumkin. Loyihani himoya qilishda faqat yuqorida aytib o‘tilgan argument ishlaydi – kompaniya moslashuvchan displeylar bo‘yicha haqiqiy tajribaga ega, shuning uchun u hali ham bunday qurilmani ishlab chiqarishi mumkin. Ammo uning xususiyatlari va ayniqsa narxi noma’lumligicha qolmoqda.

“Wistron Foldbook”

17 dyuymli displeyli yana bir konsepsiya bugungi kungacha loyiha sifatida qolmoqda. Biroq, kompaniya bunday qurilma uchun turli xil aksessuarlar g‘oyasini ishlab chiqdi, bu uning noutbukdan amaliy foydalanish haqida ko‘proq aniq tasavvurga ega ekanligini ko‘rsatadi.

Afsuski, “Wistron” qurilmalarni o‘z brendi ostida sotmaydi, shuning uchun agar qurilma sotuvda paydo bo‘lsa, u boshqa kompaniya nomidan bo‘ladi.

Nima bo‘lishidan qat’iy nazar, kompaniya “Samsung”dan farqli ravishda o‘z qurilmasi haqida biroz ko‘proq ma’lumot bergan. Shunday qilib, uning qurilmasi ikkita USB-C portiga ega bo‘ladi, qurilma sensorli kiritishni qo‘llab-quvvatlaydi (stilus yoki barmoq yordamida). Aytilishicha, ishlab chiquvchilar tomonidan qurilmaga HDMI, “Ethernet”, USB-A portlari qo‘shiladi.

Noutbukni stendli displey ko‘rinishida joylashtirish mumkin bo‘ladi yoki foydalanuvchi oddiy noutbukda bo‘lgani kabi qurilma bilan ham ishlashi mumkin bo‘ladi. Korpusga magnitlar bilan biriktiriladigan jismoniy klaviatura chiqarish rejalashtirilmoqda. Bundan tashqari, uni ish stoliga o‘rnatish orqali alohida foydalanish mumkin.

Afsuski, prosessor, RAM yoki SSD xususiyatlari to‘g‘risida tafsilotlar yo‘q.

“Lenovo ThinkPad X1 Fold”

Bu ayni paytda siz sotib olishingiz mumkin bo‘lgan egiluvchan ekranli yagona noutbukdir. Uning xususiyatlari:

Protsessor: “Intel Hybrid Technology” tomonidan “Intel Core i5-L16G7”;
Video karta: o‘rnatilgan 11-avlod “Intel UHD” Grafikasi;
Ekran: 2048×1536 o‘lchamli OLED sensorli;
Operativ xotira: 8 GB;
Xotira: 512 GB (maksimal 1 TB);
Operatsion Tizim: “Windows 10 Pro”;
Batareya: 50 Vt soat, 10,5 soatgacha video ijro etish imkoniyati;
Ulanish: “Wi-Fi 6”, “Bluetooth 5.1”;
Veb-kamera: HD 5 Megapiksel;
Klaviatura: “Lenovo Fold Mini” klaviaturasi, “microUSB” orqali qayta zaryadlanadi. Qurilmaning o‘zi esa “Type-C” orqali quvvatlanadi.

Noutbukning narxi 2499 dollarni tashkil qiladi.

Tarmoqda ushbu noodatiy qurilma haqida ko‘plab sharhlar mavjud, mualliflar, taxmin qilishlaricha, umumiy xulosaga kelishmagan. Qurilmaning amaliyligi va u bilan asosiy noutbuk sifatida ishlash qobiliyati haqida juda xilma-xil fikrlar mavjud. Ammo boshqa tomondan, u yengil yomg‘ir va changdan yaxshi himoyalangan, bu esa foydalanuvchilar uchun juda qulay.

Ma’lumotlarga ko‘ra, “Lenovo” allaqachon ikkinchi modelni tayyorlamoqda. Ammo uning xususiyatlari, narxi va boshqa afzalliklari hali ma’lum emas.

• Kompyuter
• Noutbuk
• Samsung
• texnologiya