Ruminiya, va ayniqsa, Transilvaniya mintaqasi uzoq vaqtdan beri o‘zining ertaknamo jozibasi bilan sayyohlar va romantiklarni o‘ziga jalb qilib kelgan. Mamlakatning noyob atmosfera obyektlaridan biri bu – Loy qal’asidir. Bu ajoyib shaharcha ruminiyalik Vasile oilasining sa’y-harakatlari tufayli paydo bo‘lgan. Bir kun er-xotin sershovqin shaharni tark etib, go‘zal tabiat qo‘ynida yashashga qaror qilishgan.

Nihoyat, ularning orzulari amalga oshdi. Er-xotin Sibiu shahri yaqinidan yer sotib olib, yangi uychalar qurishni boshladi. E’tiborlisi ishda faqat ekologik toza materiallar ishlatilgan. Qal’aning asosi loy va qum, yog‘och hamda somondan tashkil topgan.

Bu uychalarning tuzilish noodatiy notekis konturlarga ega. Deraza, eshiklaridan tortib plitkalar va tom tizmalarigacha hamma narsa ertaklardagi gnom va trollar haqidagi tasavvurlarni xayolga keltiradi.

Uyning atrofi yam-yashil maysazor bilan o‘ralgan, uning atrofida gulzorlar mavjud. Transilvaniyaning zich o‘rmonlari dimog‘ingizni toza kislorod bilan to‘ldiradi.

Vasile oilasi bu majmuani 10 xonali eko-mehmonxonaga aylantirishni rejalashtirgan.

• Sayyoh
• Turizm
• qiziqarli