Zokirovlar sulolasi vakili, xonanda Nargiz Zokirova 20 yil ichida ilk marta Toshkentga keldi. Bu haqida aktyor Javohir Zokirov maʼlum qilgan.

Ijodkorni aeroportda Javohir Zokirovning oʻzi oʻgʻli bilan birga kutib olgan. Said Karim Zokirov (Javohir Zokirovning oʻgʻli) Nargiz Zokirovaga nastarin guldastasini taqdim etgan.

“Men tugʻilib-oʻsgan va tarbiya topgan ona yurtimga keldim. Bu yerda 20 yil boʻlmadim, his-tuygʻularimni taʼriflab bera olmayman”, deb yozdi Nargiz Zokirova oʻzining Instagram sahifasida.

Eslatib oʻtamiz, ijodkor 1995 yilda ota-onasi va qizi bilan birga AQShga koʻchib ketgan. 2013 yilda Amerikaning “X-Factor” shousida ishtirok etgan, Rossiyada “Golos” tanlovida ishtirok etib, ikkinchi oʻringa sazovor boʻlgan.

Maʼlumot uchun, Nargiz Zokirova Botir Zokirov, Jamshid va Farruh Zokirovlarning jiyani (singlisining qizi), xonanda Luiza Zokirovaning qizi hisoblanadi.

• Madaniyat
• San’at
• Shou-biznes
• mashhurlar