Olimlar ko‘p yillar davomida Yerdan tashqarida hayot izlashdi, biroq hozircha ularning urinishlari muvaffaqiyatsizlikka uchradi. Marsda tirik organizmlarni aniqlashga urinishlar ham samarasiz bo‘ldi. Biroq Milliy ayeronavtika va koinot boshqarmasi (NASA) taslim bo‘lmoqchi emas va qidiruvni davom ettirayotgan bo‘lsa-da, agentlik astrobiologi Xizer Grem nima uchun hozirgacha hech narsa topa olmagani haqida ma’lumot berdi.

Qayd etilishicha, NASA You Tube kanalidagi qisqa videoda u Marsda hayot o‘tmishda ham mavjud bo‘lganligi haqidagi farazlarni tushuntirdi, ammo sayyoraning hozirgi holati tirik organizmlar uchun kam imkoniyat qoldirmoqda. Biroq, odamlar Marsda hayotning mavjud emasligi haqida gapirganda, ular aslida Mars yuzasidagi hayotni nazarda tutadi.

Sayyoraning ichki qatlamlari Qizil osmon jismining yupqa atmosferasiga kirib boradigan radiasiyadan yaxshiroq himoyalangan va u yerda yer osti suv omborlari belgilari bir necha bor topilgan. Buni tekshirish uchun Marsdan Yerga namunalarning qaytishini va ularni o‘rganish ishlari boshlanishini kutish kerak.

Ma’lumotlarga ko‘ra, Perseverance roveri yangi ma’lumotlarni olishga yordam bermoqda va kelajakda NASA aniqroq javoblarni bera oladigan boshqariladigan missiyani “qizil sayyora”ga jo‘natmoqchi.

“Hozirda Marsda hayot mavjudligi haqida hech bo‘lmaganda sayyora rivojlanishining qaysidir bosqichida aniq ayta olmasak ham, Curiosity rover tomonidan aniqlangan Geyl krateridagi organik uglerod zarralari buni bilvosita tasdiqlaydi”, – deydi Xizer Grem.

Avvalroq “Curiosity” roveri tomonidan olingan eski suratlar Mars sayyorasidagi yoriqlar atrofida ochiq rangli toshlarni aniqlagani haqida xabar berilgan edi.

Ushbu materiallarning namunalari ilgari roverdagi uskunalar yordamida to‘plangan. Tadqiqotda Arizona universiteti tadqiqotchilari yangi usullardan foydalangan holda ushbu arxiv ma’lumotlarini tahlil qilgan. Ular bu yengil toshlarda “opal” (tarkibida suv saqlaydigan kolloidli kremniy oksididan iborat mineral) borligini tasdiqlashga muvaffaq bo‘lishgandi.

• Mars
• NASA
• tadqiqot