Navoiy viloyati Xatirchi tumanida istiqomat qiluvchi Mardonqul Mavlonov 2021-yil 25-dekabr kuni Toshkent shahar Sergeli tumanidagi “Roodell” MChJ bilan “KIA SELTOS” avtomobili uchun ikki tomonlama shartnoma tuzib, 339,9 million so‘m pul malag‘ini to‘lagan bo‘lishiga qaramay, unga shartnomda ko‘rsatilgan vaqtda avtomashinasi yetkazib berilmagan.

Bundan norzi bo‘lib, “Roodell” MChJ ga qancha murojaat qilmasin, uning eʼtirozlari javobsiz qolavergan. U avtomashinani ham, to‘lagan pulini ham ololmay sarson bo‘lganidan so‘ng, isteʼmolchi sifatida o‘z huquqlarini himoya qiladigan tashkilot – O‘zbekiston isteʼmolchilar huquqlarini himoya qilish jamiyatlari federatsiyasi “ishonch telefoniga” murojaat qilgan.

M.Mavlonovning murojaati o‘z vaqtida o‘rganilib, Federatsiya xodimlari tomonidan “Roodell” MChJ mutasaddilariga qonuniy tushuntirish ishlari olib borildi. Isteʼmolchi huquqlari himoya qilinib, avtomobil uchun to‘lagan  339,9 million so‘mi qaytarib olib berildi.

• Iste’molchi
• Navoiy