Yapon ayollari doim o‘zining yoshiga nisbatan kichikroq ko‘rinadi. Bunga genetika ham sabab bo‘lishi mumkin. Yapon ayollarining qarishning oldini oladigan o‘ziga xos usullari mavjud. 
Yaponiyalik shifokor ayol Savako Xibino bu haqda “Yosharishning yaponcha tizimi” nomli kitob ham yozgan. Ta’kidlash lozim, mazkur shifokorga dunyoning taniqli sportchi va mashhur shaxslari o‘z sog‘ligini ishonib topshiradi. Bundan tashqari, o‘zining 46 yoshida Savako Xibino xuddi 26 yoshli qizlardek ko‘rinadi. Shunday ekan, uning tavsiyalari bilan tanishib chiqish foydadan xoli bo‘lmaydi.

1. Tamaddi foydali va bir kaftga sig‘adigan bo‘lishi kerak

Yong‘oq, qattiq pishloq yoki quritilgan meva ajoyib tamaddi bo‘la oladi. Oddiy yong‘oq tarkibida foydali moddalar juda ko‘p. Faqat me’yoridan oshib ketmasin, chunki unda yog‘ ko‘p. Unutmang, tamaddining umumiy kaloriyasi 200 kilo kaloriyadan oshmasligi kerak.

2. Qon aylanishini yaxshilang

Ba’zi insonlar yil bo‘yi muzlab yurishadi. Bu, qon aylanishining sustlashishi bilan bog‘liq. Unda esa moddalar almashinuvi ham kamayadi. Ish joyida turli jismoniy mashqlar vaziyatni yaxshi tomonga o‘zgartirishi mumkin. Bunda siz ham qaltirashdan qutulasiz, ham moddalar almashinuvi yaxshilanadi.

3. Kiyim javoningizdan keng tikilgan liboslarni chiqarib tashlang

Muallifning so‘zlariga ko‘ra, garderobdan erkin bichimdagi liboslarni chiqarib tashlash lozim. Agar qorinda “press” hosil qilmoqchi bo‘lsangiz, belga urg‘u berib turadigan kiyimlar kiying. O‘shanda siz nafaqat mashqlarda, balki undan tashqari holatda “press” ustida ishlayotgan bo‘lasiz.

4. Gohida baland poshnali oyoq kiyim kiying

Baland poshnali oyoq kiyimi qadam tashlashni qanchalik nazokatli qilishiga hech e’tibor berganmisiz? Bunga sabab, o‘sha paytda siz ishlamay yotgan mushaklarni ham harakat qilishga majburlayotgan bo‘lasiz. Biroq har bir narsaning me’yori bor!

5. Yogurt tarkibidagi ozuqalar yaxshiroq so‘rilishi uchun uni 38 darajagacha qizdiring

Bizning ichaklarimiz 38 daraja haroratda yaxshi ishlaydi, shuning uchun bunday haroratli mahsulot juda yaxshi so‘riladi va immunitetni yaxshilaydi. Iloji boricha sut mahsulotlarining rang va ta’m qo‘shimchalari qo‘shilmaganidan tanlang.

6. Doim iliq (38 darajali) suv iching

Ushbu maslahat boshqa ichimliklar uchun ham amal qiladi. Ko‘p miqdorda sovuq yoki issiq suyuqlik ichish oshqozon og‘rig‘iga olib kelishi mumkin.

• Foydali
• qiziqarli
• salomatlik