Nokia investorlari kompaniyaning mavqei yanada o‘sishidan umid qilmoqda. Kompaniyani 18 oy oldin boshqargan rahbari Pekka Lundmark boshchiligida telekommunikatsiya tarmog‘ini 5G uskunalari bilan ta’minlash orqali yana mijozlarni o‘ziga jalb qilishni maqsad qilgan.

“Strategiyani qayta tiklash yakunlandi va endi u barqaror o‘sishi mumkin. Nokia’ning qayta tiklanishi kutilganidan ko‘ra tezroq bo‘lmoqda”, deydi Inderes tahlilchisi. 

Ta’kidlanishicha, so‘nggi 12 oy ichida 42 foizga o‘sgan kompaniya aksiyadorlari 2019-yilda to‘xtatilgan naqd to‘lash tizimini qayta tiklashlari mumkin.
Xarajatlarni qisqartirish Nokia’ning daromadini oshirgan bo‘lsada, pandemiya tufayli ta’minot zanjiri uzilgan va daromad olish bosim ostida qolgan.

“O‘tgan yili kompaniya daromadi kutilgandan ko‘ra ancha yuqori bo‘ldi. Nokia yana raqobatdosh bo‘lishi mumkin”, deydi ekspertlardan biri. Shuningdek, Nokia ayni damda komponentlarning yetishmovchiligi tufayli ishlab chiqarish hajmini va xarajatlarni ko‘paytirishni rejalashtirmoqda.

• Nokia
• texnologiya