Amerikalik diyetolog Laura Burak nonushta vaqtida qanday mahsulotlarni tanovul qilish organizmga salbiy taʼsir koʻrsatishi va ortiqcha vaznga sabab boʻlishini aytib oʻtdi.

Ekspertning maʼlum qilishicha, tarkibida katta miqdorda shakar saqlanuvchi mahsulotlarni och qoringa isteʼmol qilish mutlaqo mumkin emas. Shirinliklar, keks va piroglar ana shular sirasiga kiradi. Ushbu mahsulotlar semirishga sabab boʻlishdan tashqari qondagi qand miqdorini ham oshirib yuboradi.

Bundan tashqari, shirinliklar va pishiriqlar tarkibida oqsil hamda kletchatka yoʻq. Oqsil va kletchatka nonushta vaqtida organizm tomonidan qabul qilinsagina, odam oʻzini kun davomida tetik his qiladi. Tarkibida oqsil va kletchatka boʻlmagan yeguliklar esa odamga toʻqlik hissini bera olmaydi.

Mutaxassis nonushta dasturxoni uchun sutli boʻtqalardan yaxshiroq yegulik yoʻq ekani, ularga oqsil sifatida avokado, qaynatilgan tuxum va ozroq non qoʻshish mumkin ekanligini taʼkidlab oʻtgan.

• Foydali
• qiziqarli
• salomatlik