Bugun, 7-iyun kuni Shavkat Mirziyoyev raisligida xizmatlar sohasida amalga oshirilayotgan ishlar, yil yakuniga qadar rejalar muhokamasiga bag‘ishlangan yig‘ilish bo‘lib o‘tmoqda.

Unda auksionga taklif etilgan 45 mingta yerning 3 mingtasi kelishiladigan idoralar tomonidan qaytarilgani ko‘rsatib o‘tilgan. 

Ta’kidlanishicha, bunga asosiy sabab hududlarning bosh rejasi yoki arxitektura rejalashtirish loyihalarining yo‘qligidir.

Shuningdek, shaharlarning bor-yo‘g‘i 30 foizida bosh reja, qishloqlarning 1 foizida  arxitektura rejalashtirish loyihalari mavjudligi tanqid qilingan. 

“Ochiq aytish kerak, shaharlarning bosh rejasini ishlab chiqishni davlat loyiha institutlari “monopoliya” qilib olgan.

Investitsiya dasturlari doirasida davlat loyiha institutlariga har yili katta mablag‘lar ajratilayapti, lekin bironta tuman yoki shaharning bosh rejasi oxiriga yetkazilmagan. Narxlar ham chet ellik yoki xususiy loyiha tashkilotlari narxlariga nisbatan bir necha barobar qimmat.

Shu bois, qurilish sohasini transformatsiya qilish bo‘yicha ham alohida muhokama o‘tkazaman”, - degan davlat rahbari.

• Monopoliya
• Prezident
• Shavkat Mirziyoyev