Bugun, 4-iyun kuni O'FA rahbariyati Argentinada boʻlib oʻtgan U-20 Jahon chempionatida ishtirok etib qaytgan Oʻzbekiston yoshlar terma jamoasi bilan uchrashdi.
O'zbekiston futbol assotsiatsiyasi prezidenti Abdusalom Azizov yoshlarimizga futbol jamoatchiligi nomidan mundialdagi ishtirok uchun minnatdorchilik bildirdi. Mazkur musobaqadagi ishtirokni tahlil qilgan holda, qaysi yo'nalishlarda yanada ko‘proq ishlash kerakligini ko'rsatib berganini aytdi. Ushbu futbolchilarimizga ishonch bildirilib, o‘z ishiga professional yondashishsa, futboldan chalg‘imasa, imkoniyatlardan unumli foydalansa kelajakda olimpiya va milliy jamoalardan mustahkam joy egallashi mumkinligi ta‘kidlandi.
O'FA rahbari terma jamoalar tarkibini yanada kuchaytirish, futbolchilarning jismoniy, ruhiy hamda tibbiy holati ustida ishlash bo'yicha tegishli topshiriqlar berdi. Mazkur terma jamoada iqtidorli futbolchilar ko'p ekanligi, ular kattalar o‘rtasidagi musobaqalarda yanada yuqori natijalar qayd etishiga ishonch bildirildi.
Oʻz navbatida, jamoa bosh murabbiyi Ravshan Haydarov, yetakchi futbolchilar Umarali Rahmonaliyev va Abbosbek Fayzullayev OʻFAga tayyorgarlik yoʻlida yaratilgan sharoitlar uchun minnatdorlik bildirdi.
Qayd etish mumkin, O‘zbekiston terma jamoasi Argentina mamlakati mezbonlik qilgan yoshlar o‘rtasidagi Jahon chempionati nimchorak finalida Isroilga mag‘lub bo‘lib, o‘z ishtirokini yakunladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!