26°
Kechasi 12°
30 yoshdan oshgan 116 000 dan ortiq odam ishtirokida o‘tkazilgan katta tadqiqot o‘lim xavfini kamaytirish uchun haftasiga 300 dan 600 daqiqagacha jismoniy mashqlar qilish kerakligini aniqladi. Hatto buning uchun o‘rtacha jismoniy faoliyat (yurish yoki gimnastika) ham yetarli bo‘ladi.
Agar siz mashqlarni yanada jadalroq qilsangiz (suzish, yugurish yoki velosipedda yurish), tana uchun bir xil foyda bilan haftasiga atigi 150-300 daqiqa mashq qilishingiz mumkin. Bu 7 kun ichida 2,5-5 soat yoki, har kuni bir soat muddatga to‘g‘ri keladi.
“Circulation” ilmiy jurnalida chop etilgan tadqiqotga ko‘ra, 150-600 daqiqasi mashg‘ulot uchun ajratiladigan haftalik reja umr ko‘rish davomiyligi nuqtayi nazaridan eng foydali hisoblanadi.
Tadqiqotda, xususan, yurak-qon tomir tizimi bilan bog‘liq muammolar ko‘rib chiqildi. Olimlar buning uchun o‘rtacha yoki kuchli jismoniy faoliyatning qo‘shimcha foyda yoki zararli ta’siri bor-yo‘qligini aniqlashga harakat qilishdi. Xulosalar quyidagicha:
Haftada 150-300 daqiqa o‘rtacha jismoniy faollik barcha sabablarga ko‘ra o‘lim xavfini 20-21 foizga kamaytirishga olib keladi;
75-150 daqiqa intensiv faollik xavfni 19 foizga kamaytiradi;
haftada 600 daqiqagacha o‘rtacha faollik 26-31 foizga pasaytiradi;
o‘rtacha faollik bilan yurak-qon tomir kasalliklari xavfi 22-25 foizga, intensiv faollikda esa 31 foizga kamayadi.
Tadqiqot mualliflarining ta’kidlashicha, sog‘liq uchun maksimal foyda moʻtadil va intensiv faoliyatning o‘rtacha yoki yuqori intensivligi, shuningdek, ikkalasining kombinasiyasi bilan ta’minlanadi.
Shu bilan birga, olimlar izlanishlariga ko‘ra haddan tashqari faollikdagi sog‘liq uchun xavfni aniqlanmagan, lekin u ham qo‘shimcha foyda keltirmaydi. Boshqacha qilib aytganda, og‘ir jismoniy mashqlar hech qanday zarar keltirmasligi mumkin, ammo undan o‘lim xavfini kamaytirishda foydalanish to‘g‘ri qaror emas.
“Bizning tadqiqotimiz odamlarga umumiy salomatlikni saqlash uchun hayotlari davomida jismoniy faoliyatning to‘g‘ri miqdori va intensivligini tanlashga yordam beradigan ma’lumotlarni taqdim etadi”, – dedi Garvard universiteti mutaxassisi Dong Xong Li.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
