Olmaning eng foydali mevalardan biri ekanligi koʻpchilikka maʼlum. Ammo, uni isteʼmol qilish hammaga ham mumkin emas.

Diyetologlarning aytishlaricha, oshqozon-ichak trakti kasalliklari, gastritdan aziyat chekuvchi, oshqozon va ichak yarasi bor bemorlar olmani kundalik taomnomadan butunlay chiqarib tashlaganlari maʼqul.

“Oq qoringa isteʼmol qilingan olma boshqa nordon mahsulotlar kabi qorinni dam qilishi, shilliq qavatlarga salbiy taʼsir koʻrsatishi mumkin”, deydi diyetolog Olga Korablyova.

Mutaxassis bunday holatda olmani pishirib yeyish maʼqulroq ekanligini taʼkidlagan. Pishirish vaqtida olma tarkibidagi kislotalar parchalanib ketadi, ichaklar faoliyatiga ijobiy taʼsir koʻrsatuvchi pektin moddasi esa saqlanib qoladi.

• Foydali
• salomatlik