Hali talaba bo‘lishiga qaramay oʻzbek tilidagi vikipediyada qariyb 600 dona sahifa yaratgan Muhammadali Ikramov halok bo‘ldi.

Oʻzbekcha vikipediya maʼmuri Muhammadali poytaxtdagi Boʻrijar kanaliga choʻmilishga borib, choʻkish oqibatida vafot etgan.

Yigit 2004-yilning 16-aprelida Surxondaryo viloyati Denov tumanida tugʻilgan. Oʻrta maktabni tamomlagach, 2021-yil Oʻzbekiston davlat jahon tillari universitetiga oʻqishga kirgan. U yerda filologiya va tillarni oʻqitish mutaxassisligi boʻyicha tahsil olgan.

Asosan oʻzbekcha vikipediyada faoliyat yuritgan Ikramov ikki yil davomida oʻzbek tilida qariyb 600 ta maqola va 5 mingdan ziyod sahifa yaratgan, minglab maqolalarni tahrir qilgan va Vikima’lumotlarni 3 mingga yaqinini tahrir qilgan.

Qo‘shimcha ravishda Muhammadali Ikramov Vikimedia jamgʻarmasi loyihalarining 26 mingdan oshig‘ini tahrir qilishda qatnashgan.

• Halokat