O‘zbekiston milliy terma jamoasi avgust oyi so‘nggi va sentyabr boshida Toshkentda o‘tadigan CAFA Nations Cup-2025 musobaqasida ishtirok etadi. Jamoa bosh murabbiyi Timur Kapadze turnirga bag‘ishlangan yig‘in uchun kengaytirilgan tarkibni e’lon qildi.

O‘zbekiston MTJ 26-avgust kuni navbatdagi o‘quv-mashg‘ulot yig‘inlariga kirishadi. Kengaytirilgan tarkibdan 35 nafar futbolchi o‘rin olgan. Jumladan, 4 nafar darvozabon, 13 nafar himoyachi, 9 nafar yarim himoyachi va 9 nafar hujumchi tarkibga jalb etilgan.

Ma’lumot uchun, CAFA Nations Cup-2025 musobaqasi joriy yilning 29-avgustidan 8-sentyabrigacha o‘tkaziladi. Musobaqa mezboni sifatida O‘zbekiston “A” guruhidan o‘rin olgan.

Raqiblar:

Qirg‘iz Respublikasi;

Turkmaniston;

Ummon.

O‘zbekiston MTJ musobaqadagi ishtirokini 30-avgust kuni Ummonga qarshi bahs bilan boshlaydi.

• Futbol
• O‘zbekiston
• Terma jamoa