2025-yilgi restoran narxlari indeksi bo‘yicha xalqaro reytingda O‘zbekiston 139 ta davlat ichida 17-o‘rinni egallagan. Ta’kidlanishicha, O‘zbekiston yemakxonalarida indeks 20,8 bo‘lib, bu ko‘rsatkich Nyu-Yorkdagi narxlarga nisbatan 79,2 foizga past ekanini bildiradi.

Qirg‘izistonda indeks 21,4, Rossiyada 21,8, Ukrainada 21,9, Qozog‘istonda esa 28 ni tashkil qiladi. MDH davlatlari orasida eng arzon restoran xizmatlari aynan O‘zbekistonda qayd etilgan.

Ushbu reyting natijalariga ko‘ra, dunyo bo‘yicha eng qimmat restoranlar Shveysariya, Islandiya va Baham orollarida, eng arzonlari esa Liviya, Madagaskar va Afg‘onistonda ekani aniqlangan.

• Qirg‘iziston
• Qozog‘iston
• Rossiya
• Ukraina