Ijtimoiy tarmoqlarda Qoratosh mahallasida joylashgan 324-maktab hududidagi futbol maydoni qulab tushishi yuzasidan Toshkent shahar hokimligi rasmiy ma’lumot berdi.

Qayd etilishicha, dastlab, sport maydonchasi qulashining sababi 2025-yil 26-27-fevral kunlaridagi qor yog‘ishi kabi noqulay ob-havo sharoiti deb hisoblangan edi. Biroq, dastlabki texnik tekshiruv shuni ko‘rsatdiki, ob-havo omillari vaziyatni yanada og‘irlashtirgan bo‘lsa-da, asosiy sabab qurilish ishlarining sifatsiz bajarilgani va belgilangan talablarga javob bermaydigan materiallardan foydalanilgani bilan sabab bo‘lgan.

Xabar berilishicha, hozirgi kunda loyiha me’yorlariga rioya etilishi batafsil tekshirilmoqda, shuningdek, pudratchi tashkilot bajargan ishlar chuqur tahlil qilinmoqda. Tekshiruv yakuniga ko‘ra, mas’ul shaxslarga nisbatan tegishli choralar ko‘riladi.

• Toshkent