Futbol bo‘yicha O‘zbekiston milliy terma jamoasi Xalqaro futbol federatsiyasining yangilangan reytingida 61-o‘ringa ko‘tarildi. Bu haqda FIFA matbuot xizmati ma’lum qildi.

Srechko Katanes shogirdlari reytingdagi o‘rnini o‘tgan oydagidan bir pog‘ona yaxshiladi. Terma jamoa iyun oyida 2 ta o‘yin o‘tkazib, 1 ta g‘alaba va durang qayd etdi.

Hozirgi kunda reytingni Argentina terma jamoasi boshqarib kelmoqda. 2-o‘rinni esa Fransiya terma jamoasi band etgan. Kuchli beshlikda 2 ta katta o‘zgarish ro‘y berdi. Yevro-2024 finalchilari Ispaniya va Angliya 15 va 11 pog‘ona yuqorilab, mos ravishda 3 hamda 4-o‘rinlarni egalladi.

Yevropa chempionatida muvaffaqiyatsiz ishtirok etgan Belgiya va Amerika kubogi bilan erta xayrlashgan Braziliya kuchli uchlikni tark etdi. Belgiya jadvalda 5-o‘rinni egallagan bo‘lsa, janubiy amerikaliklar 6-o‘ringa tushib ketdi.

• FIFA