AQSh Mudofaa vazirligi 2021-yilning avgustida O‘zbekiston va Tojikiston hududidga qochib o‘tgan afg‘on aviatexnikalari qaytarilmasligini bildirdi.

Pentagon Matbuot kotibi Jon Kirbi bu haqda ma’lum qilar ekan, bu AQShda ishlab chiqarilgan vertolyotlarga tegishli ekanini aytdi.

“Biz hali ham bu vertolyotlarni masalasini qanday hal qilish ustida ishlayapmiz. Menda bu boradagi ishlar qanday olib borilayotgani haqida hozircha ma’lumotlar yo‘q. Ammo, o‘ylaymanki, ushbu texnikalar Afg‘onistonga Tolibon qo‘l ostiga yuborilmaydi”,  deydi Kirbi.

Uning aytishicha, Mudofaa vazirligi ayni paytda harbiy uchoqlar bilan bog‘liq yakuniy qaror ustida ishlamoqda.

Eslatib o‘tamiz, joriy yil 12-yanvarda Tolibon mudofaa vaziri Mulla Yoqub O‘zbekiston va Tojikistondan harbiy texnikalarni qaytarishni talab qilgan edi.  

Ma’lumot uchun Tolibon hukumatni qo‘lga kiritgunga qadar mamlakat harbiy havo kuchlarida 164ta samolyotlar bo‘lgan. Tolibonga ko‘ra, harbiy uchoqlarning yarmi qo‘shni davlatlarga o‘tib ketgan. Ular orasida A-29 Super Tucano hujumchi samolyotlari, UH-60 Black Hawk, MD-530 va Mi-17 vertolyotlari borligi aytiladi.

• AQSh
• Afg‘oniston
• O‘zbekiston
• Tojikiston