O‘zbekistonda go‘sht narxi bir oyda 8 foizgacha qimmatlashdi. Bu haqda Iqtisodiyot va moliya vazirligi taqdim etgan ma’lumotlardan ma’lum bo‘ldi.

Qayd etilishicha, 25-mart holatiga ko‘ra, Toshkent shahridagi “Eski juva” (Chorsu) bozorida mol go‘shtining ulgurji narxi  75−108 ming so‘mni tashkil etgan. Mol go‘shtining qovurg‘asi 75−80 ming, sarpanja 85−95 ming hamda son 90−100 ming so‘mga yetdi. Muzlatilgan import go‘shti minimal 85 ming so‘m, maksimal 110 ming so‘mdan sotilmoqda. Qo‘y go‘shtining minimal ulgurji narxi 85 ming so‘mni, maksimal narxi esa 110 ming so‘mni tashkil etdi.

Go‘shtning minimal narxi bir haftada 7,1 foizga, maksimal narxi esa 2,9 foizga qimmatlashgan. Bir oyda esa narxlar mos ravishda 7,1 va 8 foizgacha ko‘tarilgan.

• Go‘sht
• Iqtisodiyot
• Narx-navo