Aprel oyining birinchi kunlarida O‘zbekiston hududi bo‘yicha quruq va iliq ob-havo bo‘lishi kutilmoqda. 1–2-aprel kunlari kunduzi harorat 22-27 darajani tashkil etadi, ish haftasining oxiriga kelib havo 28-30 darajagacha, janubda va cho‘l hududlarda 33 darajagacha isiydi. Qayd etilishicha, bu aprel oyi boshi uchun bo‘lgan me’yoriy qiymatlardan 5-7 darajaga yuqoridir.

Respublikaning shimoli-g‘arbiy hududlari – Qoraqalpog‘iston Respublikasi, Xorazm viloyatda 1–3-aprel kunlari kunduzgi harorat 25-30 daraja bo‘lgan quruq va juda iliq ob-havo bo‘lishi kutilmoqda, 4-aprelda esa harorat 5-7 darajaga pasayadi, ba’zi joylarda yomg‘ir yog‘ishi mumkin.

Shamol sharqdan 7-12 m/s tezlikda esadi, 3–4-aprel kunlari respublika bo‘yicha 15-20 metr/sekundgacha kuchayishi mumkin.

Toshkentda 1-aprel kuni havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Harorat kechalari 10-15 daraja, kunduz kunlari 1–2-aprelda 24-26 daraja, 3–4-aprelda 26-29 daraja bo‘ladi.

• Ob-havo
• O‘zbekiston
• issiq havo