Ijtimoiy tarmoqlarda bir ayol ichki ishlar xodimi 86 yoshli onasiga kuch ishlatganini aytgan xabarlar tarqaldi. Viloyat prokuraturasi ushbu holat yuzasidan ma’lumot berdi.

Ma’lum bo‘lishicha, 2024-yil 5-sentyabr kuni Jizzax shahrida yashovchi fuqaro R.Y. qizi va boshqalar ishtirokida qo‘shnisi bilan o‘zaro janjallashib turgan vaqtida Jizzax shahar IIB profilaktika inspektori J.N kelib, ularni qo‘lini qayirib, tan jarohati yetkazgani yuzasidan chora ko‘rishni so‘rab, murojaat qilgan.

Ushbu holat yuzasidan Jizzax shahar prokuraturasi tomonidan tergovga qadar tekshiruv harakatlari o‘tkazilib, natijasiga ko‘ra profilaktika inspektorining harakatlarida jinoyat tarkibi aniqlanmagani sababli Jinoyat protsessual kodeksining 83-moddasi 2-bandiga asosan jinoyat ishi qo‘zg‘atish rad etilgan.

• IIB
• Prokuratura