35°
Kechasi 24°
O‘zbekistonda quyuq tuman tufayli bir qator aeroportlar faoliyati cheklandi. Bu haqida “Uzbekistan Airports” xabar berdi.
Ma’lum qilinishicha, samolyotlar tongda Namangan aeroportida ko‘rish imkoniyati yomon bo‘lgani tufayli parvozni amalga oshirmagan. Shuningdek, Andijon va Navoiy aeroportlarini ham tuman qoplagan.
Namangan aeroportida quyuq tuman oqibatida (ko‘rish masofasi 150 metrga yaqin) “Aeroflot” aviakompaniyasining Sankt-Peterburgdan uchayotgan “AFL602” reysi soat 07:05 da belgilangan aeroportga qo‘na olmay, Toshkentdagi muqobil aerodromga uchgan. Ayni damda aviakompaniya yo‘lovchilarni oziq-ovqat va mehmonxona bilan ta’minlagan. Toshkentdan Namanganga parvoz mahalliy vaqt bilan 18:40 ga belgilangan.
Shuningdek, ob-havo sharoiti tufayli “O‘zbekiston havo yo‘llari” Milliy aviakompaniyasining Toshkent—Namangan—Novosibirsk yo‘nalishidagi navbatdagi “HY3669/69” reysining mahalliy vaqt bilan soat 10:35 da Namanganga yetib kelishi kerak bo‘lgan parvozi kechiktirilgan. Hozirda samolyot Toshkentda bo‘lib, uning parvozi soat 13:35 ga belgilangan.
Xabarda keltirilishicha, quyuq tuman yana ikkita – Andijon (ko‘rish masofasi 400 metrga yaqin) va Navoiy (ko‘rish masofasi 50 metrga yaqin) aeroportlarida kuzatilgan. Jadvalda belgilangan vaqt bo‘yicha aeroportlarda parvoz amalga oshirilmagan. Hozirda aeroportlar parvozlarni qabul qilishga tayyor.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
