Bugun, 26-yanvar kuni Tailand poytaxti Bangkok shahrida o‘tkazilgan boks bo‘yicha U 22 Osiyo chempionati o‘z yakuniga yetdi.

Musobaqaning so‘nggi kunida yigitlar o‘rtasidagi final bahslari bo‘lib o‘tdi. Osiyo birinchiligining finaliga yo‘l olgan 10 nafar o‘zbekistonlik charm qo‘lqop ustalarining 9 nafari bahslarda g‘alaba qozonib, oltin medalga sazovor bo‘ldi.

Shodiyorjon Meliqo‘ziyev esa qozog‘istonlik Sanjar Tashkenbayga imkoniyatni boy berdi va kumush medal bilan cheklandi. Muhammadqodir Mamirjonov esa yarim finaldagi mag‘lubiyati evaziga bronza medaliga sazovor bo‘ldi.

Gʻolib va sovrindorlar:

Oltin:
-60 kg: Dilshod Abdumurodov
-63,5 kg: Shahboz Yunusaliyev
-67 kg: Bekzod Hamidov
-71 kg: Nurislom Ismoilov
-75 kg: A’loxon Abdullayev
-80 kg: Jasurbek Yo‘ldoshev
-86 kg: Shohjahon Abdullayev
-92 kg: Nusrat Tohirov
+92 kg: Jahongir Zokirov

Kumush:
-48 kg: Shodiyorjon Meliqo‘ziyev

Bronza:
-51 kg: Muhammadqodir Mamirjonov

Qayd etish mumkin, kechagi bellashuvlar yakuniga ko‘ra 5 ta oltin 3 ta kumush va 2 ta bronza medal jamg‘argan o‘zbekistonlik qizlar ham jamoaviy hisobda birinchi o‘rinni qo‘lga kiritgan edi.

• Boks
• Osiyo Chempionati
• O‘zbekiston