Bugun, 13-yanvar kuni “Paxtakor” klubining yangi bosh murabbiyi Slavche Voyneski bilan matbuot anjumani oʻtkazildi.
“Shimoliy Makedoniyalik murabbiy oʻzbekistonlik OAV vakillari bilan dastlabki matbuot anjumanida Toshkent klubidan qachon taklif tushgani, klubdagi maqsad va rejalari, tarkib va oʻzbek futboli haqidagi fikrlari bilan oʻrtoqlashdi.
-“Paxtakor”dek jamoaga kelganimdan xursandman. “Paxtakor” nafaqat sovrinlar, balki har taraflama Oʻzbekistondagi eng katta klub. Murabbiy uchun bunday klubda ishlash juda katta masʼuliyat. Biz Superliga, Oʻzbekiston Kubogi va Superkubokda zafar quchish qolaversa, Chempionlar Ligasida ham yaxshi ishtirok etishga intilamiz.
-Shogirdim Stevisa Ristich oʻz paytida “Bunyodkor”da oʻynaganini bilaman. Soʻnggi olti oyda oʻzbek futboli haqida koʻp maʼlumotlarni oʻrgandim. Biz hujumkor futbol koʻrsatishga urinamiz. Yuz foiz. Biz doim hujum qilishimiz lozim. Bunga vaʼda beraman.
-Mashgʻulotlarda futbolchilar juda yaxshi ishlashmoqda. Sakkiz nafar oʻyinchi milliy terma jamoa tarkibiga joʻnab ketgan. Yoshlar bor kuchlari bilan mehnat qilishmoqda. Rasmiy oʻyinlar futbolchilarning haqiqiy darajasini koʻrsatib beradi. Shunda aniq xulosalarga kelish mumkin.
-Butun dunyoda koronavirus bilan bogʻliq paytda klublar rahbariyatiga oson emas. Bunday holatga moslashish kerak. Biz futbolchilar qidirish ishlarini davom ettiryapmiz. Mavsum boshlanguncha 1-2 nafar yaxshi oʻyinchilar paydo boʻlishi mumkin. Lekin jamoadagi yigitlar bilan ham oʻzimiz xohlagandek oʻynashimiz mumkin. Har bir futbolchi haqida yetarlicha taassurotga ega boʻlishim bilan aniq bir qarorga kelaman.
-Maqsadimiz — chiroyli futbol koʻrsatish, chempion jamoani chempion sifatida saqlab qolish. “Paxtakor”ning qanday klub ekanini bilaman va bu yerga kelishda qanday bosimni boʻynimga olganimni bilaman.
-Olti oy avval menejerim “Paxtakor”da murabbiy oʻzgarishi mumkinligini aytishdi. Dekabrda esa janob Piter qolishini aytishdi. Keyin esa birdan “Paxtakor”dan qoʻngʻiroq boʻldi va ishga taklif etishdi. 4 daqiqadan soʻng esa Turkiya klubidan qoʻngʻiroq va taklif boʻldi.
-Lekin men “Paxtakor”ga rozilik bildirib boʻlganim sababli keyingi taklifni rad etdim. Vaʼda berdimmi, buni bajaraman. Faoliyatimizda eng muhimi ishning oʻzi. Moliyaviy masalalar yoki boshqa narsalar asosiy emas. Ish va jarayon — eng muhim. “Paxtakor”ga yangilik bera olaman deb hisoblayman. Hujumkor oʻyin namoyish etamiz dedimmi, buni amalga oshiramiz.
-Ikki nafar assistent murabbiy menga “Paxtakor”da yordam beradi. Shimoliy Makedoniya va Turkiyadan yordamchilarim bu yerda ish boshlashadi” – deya Slavche Voyneskining soʻzlarini keltiradi Toshkent klubi matbuot xizmati.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!