O‘tgan yarim yilda Pensiya jamg‘armasi tizimida 3 292 holatda 5 milliard 718,3 mln.so‘mlik moliyaviy xatoliklar va ortiqcha pensiya to‘lovlari aniqlangan. Bu haqda jamg‘armaning Ichki audit va moliyaviy nazorat bo‘limi boshlig‘i Dilshod Mirsaidov ma’lum qildi.
Qayd etilishicha, xatoliklarga quyidagi yo‘nalishlarda yo‘l qo‘yilgan:
— “Ijtimoiy himoya yagona reyestri” axborot tizimi orqali kam ta’minlangan oilalarga bolalar nafaqasi va moddiy yordam tayinlash uchun ma’lumotlarni xato shakllanishi natijasida 2 194 holatda 3 milliard 510,3 mln.so‘m;
— Davlat pensiya va nafaqalarining noto‘g‘ri tayinlanishi va hisoblanishi natijasida 913 holatda 2 milliard 179,7 mln.so‘m;
— Hududlarda buxgalteriya hisobini yuritishda smeta-shtat va byudjet intizomining buzilishi natijasida 185 holatda 28,2 mln.so‘m.
Ortiqcha to‘lovlar yuzaga kelishiga sababchi bo‘lgan 221 nafar xodimga nisbatan turli intizomiy jazo choralari qo‘llanilib, 45 nafar aybdorlar bilan tuzilgan mehnat shartnomalari bekor qilingan.
Shuningdek, ushbu aniqlangan qonunbuzarlik holatlarining barchasi huquqiy baho berish uchun huquqni muxofaza qilish idoralariga topshirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!