Bugun, 29-avgust kuni Kreml matbuot kotibi Dmitriy Peskov Vladimir Putin “Vagner” yollanma guruhi rahbari Yevgeniy Prigojinning dafn marosimida ishtirok etishni rejalashtirmayotganini ma'lum qilgan.

Peskovga ko'ra, Kremel dafn marosimi haqida hech narsani bilmaydi. Bu Prigojin oilasing shaxsiy ishi.

27-avgust kuni Rossiya tergov qo‘mitasi Prigojin o‘tgan 23-avgust aviahalokatida halok bo‘lganlar orasida ekanligini tasdiqladi. Qo'mita bayonotida aytilishicha, sud-tibbiy ekspertizadan so'ng samalyotdan topilgan barcha 10 jasadning shaxsi aniqlangan. Ularning shaxsi manifestga mos keladi.

Kreml "Vagner" rahbari qasddan o‘ldirilganini rad etib, Putinning avihalokatdagi potentsial ishtirokini mutlaqo yolg‘on deb atadi.

Prigojin iyun oyida Kremlda boʻlib oʻtgan uchrashuvda Putinning toʻgʻridan-toʻgʻri iltimosiga qaramay, oʻz yollanma askarlarini bevosita davlat nazoratiga topshirishdan bosh tortgan edi.

• Prigojin
• Putin
• Rossiya