Qashqadaryo viloyatida o‘zga ayolning fotosuratlarini tarqatib yubormaslik evaziga 10 million so‘m talab qilgan yigitga nisbatan jinoyat ishi qo‘zg‘atildi. Bu haqda Kiberxavfsizlik xizmati xabar bermoqda.
Yakkabog‘ tumanida yashovchi 20 yoshli (ayol) Sh.A. ariza bilan murojaat qilib, noma’lum shaxs tomonidan qo‘ng‘iroq orqali tahdid qilinib, shaxsiy ma’lumotlarini tarqatmaslik evaziga pul talab qilinayotganiligini ma’lum qilgan.
O‘tkazilgan tezkor-qidiruv tadbirlari natijasida, tovlamachilik yo‘li bilan Sh.A.ning pullarini o‘zlashtirmoqchi bo‘lgan qonunbuzar Qashqadaryo viloyati Yakkabog‘ tumanida yashovchi 22 yoshli (erkak) B.H. ekanligi aniqlangan.
Unga ko‘ra B.H. ayolga qo‘ng‘iroq qilib, uning boshqalarga ko‘rsatib bo‘lmaydigan, uyatli foto va videotasvirlari mavjud ekanligi va ularni ijtimoiy tarmoqlarda tarqatib yubormaslik uchun 10 mln. so‘m miqdorida pul talab qilgan va tezkor tadbirlar davomida kelishilgan pullarni olayotgan vaqtda jinoyat ustida qo‘lga olingan.
B.H.ga nisbatan O‘zbekiston Respublikasi JKning 165-moddasi 1-qismi bilan jinoiy ish qo‘zg‘atilgan.
Qonunga muvofiq, bunday turdagi jinoiy harakatlar uchun 3 yildan 5 yilgacha ozodlikdan mahrum qilish jazosi nazarda tutilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!