22°
Kechasi 10°
Piyodani urib yuborib, voqea joyidan qochgan haydovchi topildi. Bu haqda Yo‘l harakati xavfsizligi boshqarmasi axborot xizmati xabar berdi.
Avvalroq, 2022-yil 5-dekabr kuni soat 20:10 atrofida Qarshi shahar, “Nasaf” ko‘chasida “Cobalt” rusumli avtomobil haydovchisi piyodalar o‘tish joyidan yo‘lni kesib o‘tayotgan piyodani urib yuborib, voqea joyidan qochib ketgani xabar qilingan edi.
Natijada piyoda tan jarohatlari bilan shifoxonaga yotqizilgan.
Olib borilgan tezkor surishtiruvlar natijasida “Cobalt” avtomobili hamda haydovchisi topilgan.
Mazkur YTH yuzasidan haydovchiga nisbatan O‘zbekiston Respublikasi Jinoyat Kodeksining 266-moddasi 1-qismi va 117-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
“Barcha haydovchilardan belgilangan qoidalarga rioya qilishlarini so‘raymiz”, – deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
