Kecha, 24-fevral kuni soat 16:08 larda Qarshi shahridagi avtomobillarga gaz quyish shoxobchasida Nexia-3 portlab ketdi. Holat yuzasidan Qashqadaryo viloyat FVB xabar berdi.

Ma’lum qilinishicha, Nasaf ko‘chasida joylashgan “New Power” “zapravka»sida Nexia-3 mashinasiga gaz quyilayotgan vaqtda unga o‘rnatilgan gaz balloni portlagan.

Oqibatda mashinaning orqa qismi to‘liq shikastlangan. Hodisa joyida yong‘in sodir bo‘lmagan va hech kim tan jarohat olmagan.

Qayd etilishicha, hozirda, holat bo‘yicha tegishli soha vakillari tomonidan surishtiruv ishlari olib borilmoqda.

ESHu o‘rinda Favqulodda vaziyatlar vazirligi barcha haydovchilardan o‘z boshqaruvidagi avtomobillarni vaqtida texnik ko‘rikdan o‘tkazishlarini va barcha xavfsizlik qoidalariga rioya qilishlarini so‘raydi”, – deyiladi xabarda.

• FVV
• portlash