Bugun, O‘zbekiston Konstitutsiyasiga prezidentlik muddatini 5 yildan 7 yilgacha uzaytirishni haqida taklif kiritilgani haqida xabarlar tarqaldi. Siyosatshunos Kamoliddin Rabbimov o‘zining sahifasida prezidentlik muddatini uzaytirish borasida taklifga munosabat bildirdi.

“Agar ikkinchi ma’muriyat o‘z vakolatlarini uzaytiradigan bo‘lsa, O‘zbekiston, birinchi ma’muriyat davridagi kabi, qattiq avtoritarizmga, diktaturaga aniq qaytadi degan qarashni ko‘p kuzatayapman. Aslida, har bir boshqaruvning zamirida siyosiy tafakkur, boshqaruv stili turadi. Ikkinchi ma’muriyatning boshqaruv stili shakllanib bo‘lgan. Endi u inqilobiy o‘zgarmaydi”, deydi Kamoliddin Rabbimov.

Siyosatshunos so‘zida davom etib, shu paytgacha yo‘l qo‘yilmagan qattiq avtoritarizmga, diktaturaga qaytilmasligini, bu borada tushkunlikka tushish kerak emaslgini aytib o‘tdi.

“Demakki, shu paytgacha yo‘l qo‘yilmagan qattiq avtoritarizmga, diktaturaga qaytilmaydi. Bu borada tushkunlikka tushish kerak emas. Bu yog‘i globallashuv, informasion ochiqlik. Hokimiyatga ham o‘zini global reputasiyasini chilparchin qilish, mutlaq kerak emas. Huddi 2003-yildan beri boshqaruvda qolayotgan Toyyib Erdog‘an yeki Ilhom Aliyevlar kabi, yumshoq avtoritarizm va islohotlar siyosati davom etaveradi”.

• Kamoliddin Rabbimov
• Konstitutsiya
• Prezident