Hukumat tomonidan bugun, 9-oktyabrdan boshlab qo‘lda terilgan 1 kg paxta uchun 2500 so‘mdan to‘lash belgilandi. Bu haqda Qashqadaryo viloyati hokimligi axborot xizmati rahbari Ahror Sodiqov xabar berdi.

“Bu narx aholimizni daromadlari oshishiga ham xizmat qiladi. Masalan, bir oiladan 4 kishi kuniga 400 kg paxta terib, 1 000 000 so‘m ishlab topsa, bu qolgan 20-25 kunlik terimda 20-25 mln so‘m oilaviy daromad degani”, – deya qo‘shimcha qildi Ahror Sodiqov.

Ma’lumot uchun, 18-sentyabrda qo‘lda terilgan bir kilogramm paxta uchun 1 300 so‘mdan 1 600 so‘mgacha, o‘rtacha 1 500 so‘m atrofida haq to‘lanayotgan edi.

• Paxta