Qozog‘istonda Jinoyat kodeksiga “Odamni turmush qurish maqsadida o‘g‘irlash” moddasini kiritish taklif qilinmoqdа. Bu haqda Inson huquqlari bo‘yicha vakil Ombudsman matbuot xizmati xabar berdi.

Ma’lum qilinishicha, Bosh prokuratura Ombudsman tashabbusini qo‘llab-quvvatlagan.

“Hozirda jinoyat qonunchiligiga bir qator oʻzgartishlar kiritish, xususan, Jinoyat kodeksining 125-moddasi “Odam oʻgʻirlash” bandiga alohida modda kiritish va jinoyatchini jinoiy javobgarlikdan ozod etishni nazarda tutuvchi bandni olib tashlash masalasi koʻrib chiqilmoqda. Umid qilamizki, bu profilaktik samara beradi va ayollarga nisbatan jinoyatlar darajasini pasaytiradi”, – deyiladi xabarda.

2019-yildan hozirgi kunga qadar odam o‘g‘irlash bilan bog‘liq 214 ta jinoiy huquqbuzarlik qayd etilgan, deyiladi press-relizda.

Biroq Jinoyat kodeksida bunday jinoyatlar tarkibi ko‘rsatilmagani bois, qizlarni turmushga berish maqsadida o‘g‘irlash bo‘yicha aniq statistik ma’lumotlar yo‘q.

"Mamlakatimizda, ayniqsa, janubiy viloyatlarda qizlarni o‘g‘irlab turmushga berish amaliyoti keng tarqalgan. Milliy urf-odatlarimizni boshqarmayotganimiz vaziyatni yanada og‘irlashtirmoqda. Yoshlar bu og‘ir jinoyat, qo‘pol qoidabuzarlik ekanligini tushunib yetmayapti. Bu erkinlik huquqi va inson shaxsiyatiga tajovuz, – deya qo'shimcha qildi Ombudsman vakillari.

Oxirgi ikki yarim yil ichida Qozog‘istonda bosqinchilar 300 dan ortiq kishining o‘limiga sabab bo‘ldi. Sog‘likka og‘ir shikast yetkazish bo‘yicha 913 ta, sog‘likka o‘rtacha og‘irlikdagi zarar yetkazish bo‘yicha 837 ta holat qayd etilgan.

• Qozog‘iston